March 30, 2014

ഒരു ചെറു കഥ : യാത്രാമൊഴി

അയാളുടെ അവധിക്ക്‌ വിരാമമായി.
നാടിന്റെ നനഞ്ഞ മണ്ണിലേക്ക്‌ എത്ര വേഗത്തിലാണ്‌ ദിവസദലങ്ങൾ കൊഴിഞ്ഞ്‌ വീണത്‌..
വീണ്ടും മണൽപ്പരപ്പിന്റെ പൊള്ളുന്ന യാഥാർത്ഥ്യത്തിലേക്ക്‌.. ഇഴഞ്ഞ്‌ നീങ്ങുന്ന വർഷങ്ങളുടെ ഇടവേളയിലേക്ക്‌..
മൂന്ന് വയസ്സുകാരിയായ മകളോട്‌ യാത്ര പറയവേ ആയാൾ ചോദിച്ചു, "അടുത്ത പ്രാവശ്യം ഗൾഫിൽ നിന്ന് വരുമ്പോൾ മോൾക്ക്‌ ഉപ്പ എന്താണ്‌ കൊണ്ട്‌ വരേണ്ടത്‌?"
"എന്നും കാണാൻ പറ്റുന്നൊരു ഉപ്പയെ കൊണ്ട്‌ വന്നാൽ മതി.."

അവളുടെ വാക്കുകളുടെ മുൾമുനയേറ്റ്‌ അയാൾ പിടഞ്ഞു. പിന്നെ, ചങ്ങലകളാൽ ബന്ധിക്കപ്പെട്ടൊരു തടവ്‌ പുള്ളിയെ പോലെ അയാൾ വീട്ടിൽ നിന്നിറങ്ങി..

No comments:

Post a Comment