December 7, 2013

ഇന്ന് ഞാനൊറ്റയ്ക്കാണ്‌..

ഇനി വരും വസന്തങ്ങളിൽ ആ വാക പൂക്കില്ല.
കാരണം,
അതിനു കീഴിലിരിക്കാൻ നമ്മളില്ല, ഞാനൊറ്റയ്ക്കാണ്‌. ...
ഇനി വരും സന്ധ്യകളിൽ ചക്രവാക സീമകൾ ചുവന്നു തുടിക്കുന്നതു കാണാൻ നമ്മൾക്കാവില്ല...
കാരണം, കടൽ തിരകളെണ്ണി ആ തീരത്ത്‌ നമ്മൾ ഒരുമിച്ചില്ല..
ഇനിയാ ഇടവഴികളിലെവിടെയെങ്കിലും നിന്റെ കൊലുസ്സു കളഞ്ഞു പോയാൽ, അതു നോക്കിയെടുത്തു ആ കാലിൽ വീണ്ടുമിട്ടു തരാൻ ഞാനുണ്ടാകില്ല, കാരണം നീ അത്ര ദൂരെയായി കഴിഞ്ഞിരിക്കുന്നു...
ഒരു വിളിപ്പാടിനുമപ്പുറം...
കണ്ണെത്താ ദൂരത്തിനുമപ്പുറം...
എന്റെ സ്വപ്നങ്ങൾക്കുമപ്പുറം...
മറ്റാരുടെയോ ചുമലിൽ ചാരി നീ ഉദയസ്തമയങ്ങൾ കാണുന്നതു ഞാനറിയുന്നു...

#പണ്ടെന്നോ, പ്രണയിച്ചു തുടങ്ങും മുൻപൊരു നാളിലെ ചിന്തകളിൽ നിന്നും..

No comments:

Post a Comment